Ice Age 2 - The Meltdown

சிறிசும் பெரிசுமாய் நாலு கதாபாத்திரங்களை வைத்துக் கொண்டு என்னமாய் பட்டையைக் கிளப்புகிறார்கள் ஹாலிவுட்டில்? தானே உலகின் கடைசி mammoth என்ற வருத்தத்தில் இருக்கும் Manny, தன்னை யாரும் மதிப்பதில்லை என்ற வருத்தத்தில் இருக்கும் Syd, இவர்களின் உற்ற நண்பனான Diego என்ற புலி ஆகிய மூவர் குழு, அவர்களைச் சார்ந்த பிற மிருகங்களுடன் உறைபனிக்காலத்தின் கடைசி தினங்களில் தாம் வாழும் பள்ளத்தாக்கை விட்டு வேறு பாதுகாப்பான இடத்திற்கு புலம் பெயர்கின்றனர். அவர்கள் சந்திக்கும் அனுபவங்களே திரைப்படத்தின் மையக் கரு. தவிர, தனக்கு விருப்பமான பழத்தை விண்ணைக் கடந்தும் மண்ணைக் குடைந்தும் கூட எப்பாடுபட்டேனும் அடைந்து விடும் Scrat என்ற அணிலும் தனி டிராக்கில் கலக்குகிறது.

புலம்பெயர்கையில் Ellie என்ற இன்னொரு mammoth இவர்களின் கண்களில் படுகிறது. அதுவோ, சிறுவயதில் தனது கூட்டத்திலிருந்து காணாமல் போய், possum என்ற சிறிய மிருகங்களுடன் வளர்வதால் தன்னையும் possum என்று நினைத்துக் கொண்டிருக்கிறது. அது அடிக்கும் லூட்டிகளும், அதனை mammoth என்று நிரூபிக்க Manny செய்யும் முயற்சிகளை நம்பாமல் நக்கல் பேச்சு பேசுவதும் அட்டகாசம்.

Ellieயின் 'தம்பி'களான இரண்டு possumகள் செய்யும் அட்டகாசங்கள் எவரையும் ரசிக்க வைக்கும். நடுநடுவே Manny தனது ஹீரோயிஸத்தைக் காண்பிக்க ஏதுவாய் முதலைகளின் தாக்குதலும் உண்டு.

படத்தில் Animation and Special effects நம்மை வெகுவாகக் கவர்கிறது. சென்னையின் கோடைக்கு இதமாய் பனிக்கட்டிகளைப் பார்த்துக் கொன்டே இருக்கலாம் போல இருக்கிறது. ஒன்றிரண்டு காட்சிகளில் அப்படியே பனிக்கட்டி உலகிற்குள் நாம் வசிப்பது போல் தத்ரூபம்.

ஒரு கட்டத்தில் சின்னஞ்சிறிய காட்டு மிருகக் கூட்டத்தினரால் Syd கடத்திச் செல்லப்பட்டு, 'நெருப்புக் கடவுள்' என்று வழிபடப்படுகிறது. அந்தச் சமயத்தில் அருமையான இசை மற்றும் நடனத்திற்கு கிடைத்த வாய்ப்பைப் பயன்படுத்திக் கொள்ளாமல் இருப்பது ஏமாற்றம் அளிக்கிறது. இதைப் போன்ற கட்டத்தில் Madagascar என்ற திரைப்படத்தில் இடம்பெற்ற இசை நடனம் மிக அருமையாக இருந்தது.

படம் முழுக்க ரசித்துச் சிரித்துக் கொன்டே இருக்கலாம். உங்கள் இல்லத்தில் இருக்கும் குழந்தைகளுக்கும், உங்கள் உள்ளத்தில் இருக்கும் குழந்தைக்கும் ஏற்ற அருமையான திரைப்படம்.

3 Comments:

Blogger செந்தழல் ரவி said...

அருமை...படம் பாத்த மாதிரியே இருந்தது...

அப்படியே எங்க Dowload பன்னீங்கன்னு சொல்லுங்களேன்..

ஹி ஹி

1:32 AM  
Blogger மீனாக்ஸ் | Meenaks said...

செந்தழல் ரவி,

திரைப்படங்களை திரையரங்கில் மட்டுமே சென்று பார்ப்பது என்பதில் தீவிரமான நம்பிக்கை உடையவன் நான். I do not download movies.

1:59 AM  
Blogger Neodawn said...

Naetruthan padam paarthaen...
Migavum arumaiyaaga irunthathu...

Antha "Neruppu Kadavul" sequence paarthapodhu, namma Koundamani "Poo medhikkura" scenedhan gnabagam vandhadhu :)

As you said, the story is nothing but crossing from one side of the valley to another. But the script is so creative, funny and engaging, it makes it worthwhile to see it.

3:29 AM  

Post a Comment

<< Home

Old Commenting System: |

Very Old Commenting System: